Sawrkar sum neih ang ang SEDP
hlawhtlinna’n pek a ni ang – CM
Sawrkarin sum a neih ang ang chu SEDP tih hlawhtlinna atan hman a ni dawn tih chief minister Zoramthanga chuan a sawi.
Ni hnih cham turin Inrinni khan chief minister hian Champhai a thleng a. MNF party hruaitute nen an inkawmnaah MNF president ni bawk Zoramthanga chuan sawrkar flagship programme family oriented SEDP ah a bul tanna atana chhungkaw 60000 hnena tanpuina sum dawntir tawhte chu 2nd instalment pek chhunzawm an nih dawn bakah chhungkaw 60000 aia tlem lo dang chu 2023-2024 chhungin SEDP dawn thar tir an ni anga, sawrkarin sum a neih ang angte SEDP tih hlawhtlinna turin a pechhuak dawn, tiin a sawi.
Special Assistance to States for Capital Investment (SASCI) sum dawnte chu MLA bial tinah cheng vaibelchhe 7 theuha semsawm a nih thu leh hnathawh tur ruahmanna liantham deuh, mipui tana tangkai thei tur ber thawh tur uluk zawka ngaihtuah a tul thu a sawi a. Sawrkar kumthar, 2023- 2024 atan SASCI sum dang a lokal leh thuai dawn nia sawiin, hmasawnna hnathawh tur lo ruahman lawk a, ngaihtuahna zau zawk put a tul tih a sawi bawk.
Champhai a panna lamah chief minister hian NHIDCL-in National Highway-6 kawng siam hna kal mek a enfiah a, kawng awmsa laizaua siamthat bakah kawng thar hlak, Dulte Junction atanga Tuichang pawhtu, Khawzawl atanga Champhai panna kawngtharte a zawh a; NH-6 Dulte to Champhai package-I siamtu contractor Dhariwal Buildtech Limited leh NHIDCL aiawhte an hmalakna a sawipui a ni.
Sawrkar sum neih ang ang SEDP hlawhtlinna’n pek a ni ang – CM
Get real time updates directly on you device, subscribe now.