Sawrkarin ram tan thawk vek
Sawrkar kal tawh leh kal mekten ram tan theihtawpin an thawk vek tih MNF party chuan an sawi.
Sawrkar lai mek leh sawrkar hmasa atanga thawh tan tawh tunhnaia siam zawh tak ram tana hmasawnna te, state dang atanga Mizoram sawrkar hmalakna entawn leh zirchiang tura rawn kal an awm thin thu te MNF party thuchhuah chuan sawiin, ‘Tunhnaiah political party thenkhatin sawrkar kal tawh leh kal mekten engmah thawk lo leh Mizoram chu sawpchhe vek anga an sawi hi a dik lohzia a lang zel a. Hmasawnna thawk lo leh buaipui lo sawrkar an awm ngai lo. Kum 40 chhunga ram lo hruai tawhte khan theihtawp chhuahin hma an la vek a. Ngaihpawimawh leh thlurbing lam erawh a inang vek lo,’ a ti.
Thuneihna lalthutthlenga thut chak vanga ram hruaitute chak lo leh hmasawnna thlen lo anga an puhna chu thu belhchian dawl lo tak a ni tih a lang zel dawn tih MNF hian sawiin, ‘Pu Zoramthanga kaihruai MNF sawrkar hian tun term-ah zalen taka hnathawhna hun kum hnih tha chauh a nei a, heti chunga hmasawnna hna thawh thahnem tak kan neihten ram hmel a tidanglam mek hi lawmawm kan ti hle a. Mi thenkhat leh political party thenkhatten kan hnam leh ram thatna reng reng an hmu thei lo hi anmahni inenfiah an ngai hle-ah kan ngai,’ a ti.
Sawrkarin ram tan thawk vek
Get real time updates directly on you device, subscribe now.
Prev Post