Ram rorelna hi mi lar leh hausa khawnkhawmna tur a ni lo – Lalsawta

Ram rorelna hi mi lar leh hausa
khawnkhawmna tur a ni lo – Lalsawta
Ram rorelnaa tel turte chu mi lar leh hausa hnawhkhawmna tur a ni lo tih Congress president Lalsawta chuan a sawi.
Tuirial bial Lungdai leh Kawnpui bakah Kolasib leh Serlui biala Kolasib leh Bilkhawthlir-a an party hruaitute tlawha an inkawmnaah MPCC president chuan ram hruaina chu phur thut thil a ni loa, ram rorelnaa tel turte chu mi langsar leh lar, mi hausa khawnkhawm hnawhkhawmna tur a ni lo tih a sawi.
“Kan candidate-te theihtawpin lo tanpui ula, a awm ang ang eia ina sawrkar tha siam turin kan thawk ang. In tanpui tiha pawisa khawn lam a ni lo. Mizoram hmasawnna daltu hlemhletna YMA leh kohhranin an do kum a ni a. Election Commission pawhin chu chu a duh dan a ni. Hei hi Congress-in inthlan kan hmachhawn dan tur a ni,” a ti.
Hausak tum leh hausak avanga MLA nih tum chu neih belh tumna mai a ni a. Mipui chanai hmangin sum an tuak dawn Lalsawta hian a sawi a. Heng hi ram hmelma a ni tih an hriat avangin Congress party MLA turte chu mi taima, huaisen, mi dik an nih chuan a tawk tih a sawi.
Congress party-in sawrkar tha Mizoram mipui a pek theihna’n sut tlang ngai chu political will hmangin a sutlang dawn tih a sawi. “Mizoram hmakhua atan rorelna tha, good governance pek hi ka bat a ni a, chu chu ka tum a ni. Politician-te hian ka ti ang, an tih hi tih an nei ngai lo, tawngka chauh a ni. Ka ti ang, ka tih theih chin chauh ka sawi thin. Chu chu ram tan pawh a tha zawk a ni,” a ti bawk.