Sawrkarin tung herna din a tum

• Prof Lalnilawma

Sawrkarin tung herna din a tum

• Prof Lalnilawma
  Mizoram sawrkarin tung herna khawl tha tak din tumin hma a la a, District Rural Development Office-in a khawl bunna tur hmun thlangin project an siam dawn tih Rural Development minister Prof Lalnilawma chuan a sawi.
  Tawi bialtu MLA, minister Prof. Lalnilawma’n Saitual District Tung Grower’s Association hnenah tung kunga zam tir turin panhnah (phai pan) nung sa polipot 3000 a hlan a. Line department hotute thlawpna zarah panhnah an sem thei chu lawmawm a tih thu sawiin, tung chingtute pawhin an hlawhtlinpui ngei a beisei tih a sawi a. Tung chin piahlamah panhnah hmangin sum lakluh theih a ni dawn tih a sawi a ni.
  “Tung herna khawl tha tak din tura hma lak tum niin, DRDO lamin a khawl bunna tur hmun tlawhin project an siam dawn. Tung hnuaiah aieng, coffee, panhnah bakah thing hmarcha thlenga an thar theihnan hma lak zel tum a ni,” a ti.
  Saitual District Tung Grower’s Association hian R.Z Foundation Serchhip kaltlangin Galaxy Company Mumbai ah an hralh thin a. He company nen hian kum thum chhung atan contract ziakin, contract hi 2026 March-ah a tawp ang.