Sawrkar laipui hmalakna bawhzuiin Mizoram sawrkar chuan nasa zawkin oil palm chin kawngah hma lak a tum a. Bul tanna pakhat atan Thawhlehni khan Kolasib district-a Buhchangphaiah Mega Oilpalm Plantation Drive 2024 a nei.
Kolasib district bawrhsap Robert C Lalhmangaiha chuan hmanpuiin, kuthnathawktute hlawhtlinna atan district administration atanga inpuih theihna a awm chuan theihtawp chhuah a inhuam tih a sawi a. Kolasib district Zau hrang hranga oilpalm phun tur a vailiam.
Agriculture department hotute sawi danin, Mega Oilpalm Plantation Drive programme hi sawrkar laipui ruahman a ni a; hriak ei chia India ram a intodelhna tura hmalakna niin, chumi atan chuan nasa zawka oilpalm chin kalpui a tum. Mizoramah chuan Kolasib district-a Buhchangphai leh Mamit district-a Darlak leh Nalzawl chu oilpalm hmalaknaah NEH Special scheme atangin khaw thlan bik an ni a, heng khua atanga oilpalm chingtute chu he scheme atang hian a bika enkawlna leh tanpuina chi hrang hrang a ruahman sak dawn a ni.
Kolasib leh Mamit district-a oilpalm rah leikhawmtu Godrej Agrovet Company senior executive officer Lalruatkima sawi danin, oilpalm hi oil pechhuak thei thlai zingah chuan oil ngah ber a ni a, Mizorama oilpalm hlawhtlinna avangin thenawm state ho pawhin Godrej Agrovet enkawlpuina in nikum atang khan oilpalm an phun tan. Hmarchhakah oilpalm hi farmer level mai ni lo, business angin an kalpui tan tawh a. Tunah hian Kolasib leh Mamit district-a oilpalm huan nei, a rah hralh mi 744 vel awmin, kum 2023 khan oilpalm atangin cheng nuai 700 vel an lalut a, kuminah nuai 800 vel an beisei a ni.
Sawrkarin uar zawkin oilpalm chin tum
Get real time updates directly on you device, subscribe now.
Next Post