SC in central probe agency te April 5 ah ngaihtuah tum

Supreme Court chuan Opposition party tena sorkar mek lai BJP tena central probe agencies te a ‘hmangsual’ tia an puhna chu April 5 ah ngaihtuah a remti a. Zirtawp zing lam khan political party sawm pali te chan Supreme Court hnenah JP sorkar chuan central agencies heng ED leh CBI te chu opposition leader te beihnan ber a hmang an ti a ni.
Chief Justice D.Y. Chandrachud kaihhruai Bench chuan senior advocate A.M. Singhvi, Opposition party te aiawha ding thuthehluh chu ngaihtuah a rem ti a. Opposition te zingah hian DMK, RJD, Bharat Rashtra Samiti leh Trinamool Congress te pawh an tel a ni.
Party te chuan central probe agencies heng Central Bureau of Investigation leh Enforcement Directorate te chuan pre and post-arrest guidelines an zawm an phut thu an sawi a.
A hma in national party pariata leader te – Chief Ministers K. Chandrasekhar Rao (Telangana), Mamata Banerjee (West Bengal), Arvind Kejriwal (Delhi), leh Bhagwant Singh Mann (Punjab), te chuan Prime Minister Narendra Modi hennah sorkar in Central agencies leh office of Governor te chu a hmang sual tiin ziakin an lo thlen tawh bawk a ni.
Hming ziah hnantu zingah hian Bihar Deputy Chief Minister Tejashwi Yadav of Rashtriya Janata Dal, Uttar Pradesh Chief Minister hlui Akhilesh Yadav, Maharashtra Chief Minister hlui Uddhav Thackeray, Jammu and Kashmir Chief Minister hlui Farooq Abdullah, leh Union Minister hlui Sharad Pawar, Nationalist Congress Party te pawh an tel a, hming ziah hnantu zingah Congress te erawh an tel ve lo thung.
Lehkhathawn chuan kum 2014 hnua Central gencies te chetdan chuan an authonomy leh thleibik nei lo tur an nihna hmelhmang a tichhe hle tawh tia sawiin India mipui tena heng agencies te laka an rinna a tlahniam tawh an ti bawk.