SC-in Kham Khan Suan Hausing kar hnih hun pe

Supreme Court chuan thawhtanni khan Hyderabad University professor leh academic, Kham Khan Suan Hausing chu online news portal a interview avanga a laka thubuai siamsakah kar hnih chhung a lakah engmah ti lo turin thutlukna a siam.
Chief Justice of India D.Y. Chandrachud chuan thupek an siam chuan Hausing chu ‘thawklakna hun’ pein Manipur-a court-in thubuai a siamsakah chhanletna siam thei turin hun a pe ang, a ti bawk.
Hausing hi senior advocate Anand Grover leh advocate Anju Thomas leh Aastha Sharma te chuan an dinsak a.
Petition a siamah Imphal East Chief Judicial Magistarte (CJM) chuan a koh thu a sawi a.
Hausing hi thil tam takah puha awmin chung zingah chuan inhuatna chi tuh tum tih te, dik lo taka thil sawiah leh sakhuana boruak chhia thehdarh tumah te puh a ni bawk a.
July 6 khan social media atangin a lakah media interview a thusawi te avangin First Information Report (FIR) thehluh a ni chuan a barakhaih thu a sawi a. He mi hnu hian CJM, Imphal East chuan court-a inlan turin a ko zui a ni.
Professor chuan apex court-ah zualkovin amah puhna dik lo tak tak laka humhim tur leh amah ngei pawh India khua leh tui ni lo anga chhuah a nih thu a sawi bawk a ni.