SC-in Manipur chhui chiang tur Committee din rawt

Supreme Court chuan high court judge retired tawh pathumte awmna committee dinin buainain a nuai mek Manipur-a thil thleng chhui chian leh rahabilitation leh thil pawimawh dangte enfiah se tiin rawtna a siam a. He committee hian tharumthawhna mai piah lamah zau takin huam se tiin a sawi bawk.
“Kan tum ber chu rule of law dinchantir a ni. HC judge hlui pathum awmna committee kan din ang a. He committee hian investigation mai bakah – relief, remedial measures etc te an ngaihtuah nghal ang,” tiin court chuan a sawi.
Committee-a tel tur member pathum te chu Justice Gita Mittal (former Chief Justice of J&K HC), Justice Shalini Joshi (former Judge of Bombay High Court), leh Justice Asha Menon (former judge of Delhi High Court) te an ni, a ti bawk a.
IPS officer hlui Dattatray Padsalgikar chuan CBI investigation a enfel bawk ang tiin court chuan a sawi bawk a. CBI investigation team ah hian state hrang hrang atangin DySP rank officer panga tal an awm bawk ang a ti bawk a. Heng officer te hi CBI infrastructure leh administrative structure corner li chhungah an awm vek bawk ang tiin a sawi bawk.
“SITs 42 case te CBI hnena transfer loh te enfeltu a awm bawk ang a. SITs te hi DIG rank officer Manipur pawna miin a enfelpui bawk ang a. Officer tin te chuan SITs paruk zel enfelin investigation kalpui dan dik leh dik loh an enfiah reng ang,” a ti bawk.
Tharumthawhna chhuah kaihhnawih case te enfiah tur District-wise Special Investgation Team din a ni ang tiin Center chuan Supreme Court hnenah a hrilh bawk a.
Hearing neihnaah hian Manipur Director General of Police Rajiv Singh chu a tel bawk a, Chief Justice DY Chandrachud chuan ethnic violence chungchangah zawhna zawtin thuneitute hmalak dan te a zawt bawk a ni.
“External investigation remti lovin SITs te hi district level tinah din ni se” tiin Attorney General R Venkataraman chuan a sawi a.
Hmeichhiate laka hleilenna Central Bureau of Investigation tena an chhuichian mekah FIR 11 aia tam a awm a nih chuan hengte hi Superintendent of Police rank officer hmeichhiate vek kaihhruai district level tina SITs in chhuichiang se, tiin Solicitor General Tushar Mehta chuan a sawi bawk a.
“Investigation nei mek CBI team te chuan SP officer hmeichhia pahnih an nei a. CBI te chuan ram chhung hmun tinah officer neiin a inbuktawka kalpui a ngai a ni,” tiin a sawi bawk.
Attorney General chuan court hnenah sorkar chuan puitling takin thil a kalpui tia sawiin case segragation-ah pawh affidavit an siam tawh a ti bawk a.
Senior Advocate Indira Jaising chuan buaina a la thlen mek thu sawiin thuang hnihin- investigation leh pawikhawihna thleng zel tur danna kalpui ni se a ti bawk a.
Advocate Nizam Pasha, thla kaltaa Supreme Court meuh pawhin rawtna tha tak a neih avanga a fak chuan FIR 16 lai a vaia hmeichhia te laka hleilenna kaihhnawih vek te chu avaiin CBI te chhui tura dah a ngai a ni a ti thung a.
“SIT-in a chhui a, mahse State in a thlan te an ni. Puha te ber hi state police te an ni a, pawikhawihnaah inhnamhnawiha puh an ni. State cadre te hman an nih chuan a duh dawn lo va, court-in a thlang tur a ni. Public prosecutor tur chu state dang law officer ni bawk se,” tiin a sawi.
Advocate Prashant Bhushan chuan arms leh ammunition supply chungchang chu independent body-in a hranin chhui chiang se a ti bawk a. Centre chuan chhui chiang tura police-te rin loh ngawt chu a awm ang lovang a ti ve thung a.
“Police officer te rin loh ngawt hi a awm ang lovang. Supreme Court in committee din tura a rawtah judicial officer te chauh tel se, civil society group te tel lo se” tiin Solicitor General Mehta chuan a sawi bawk a.
August 1 khan Manipur-ah dan leh hrai lekkawhin awmzia a nei lova constitutional machinery pawhin awmzia a nei lo, a lo ti tawh a. State police-te chu ethnic violence an chhuichianna kawngah hnufum lutukah puhin hei vang hian August 7 a ngaihtuahna a neihah DGP chu amah ngei inlan turin a ti a ni.
Centre chuan bench hnenah mipui thinrim tena hmeichia pahnih saruaka an parade tir lai kaihhnawiha FIR pahnih chauh ni lovin FIR lut 6,523 atanga 11 lai hmeichhiate leh naupang te laka hleilenna bik chu CBI chhui tur bika dah ni se tiin rawtna siam bawk.