SC-in NEET-UG 2024 ngaihtuah mek

Supreme Court chuan NEET-UG 2024 medicla course zirna atana entrance test-ah paper putru a awm tia result cancel tura petition lut a ngaihtuahnaah Centre leh NTA of National Testing Agency te chu hriattirna a pe.
“Thil awlsam tak a ni lo, a chhan chu exam in huaihawt kha tihbawlhhlawh thiang lo a ni” tiin Court chuan NTA hnenah hrilhin, “Examination tihbawlhhlawh thiang lo a nih chu sawisel theihin a awm a, chuvangin a chhanna kan duh a ni,” a ti bawk.
Court chuan admission tih nana counselling erawh kalpui chhunzawm tho tur tiin a sawi a. Justice Vikram Nath leh Ahsanuddin Amanullah te chuan, “Counselling tihtawp kan tum lo” tia sawiin July 8-ah Chief Justice DY Chandrachud hmaa ngaihtuah leh turin a ti zui a ni.
NEET-UG 2024 ah hian sawi neuh neuh a tam hle a, mark pek danah thil fel lo a awm tih te leh zirlai thenkhatte duhsak bik an ni tiin petition theh luh a ni a. Petition chuan May 5 a exam kha cancel turin an ngen a, exam huaihawt that leh ni se an ti bawk.
Telangana leh Andra Pradesh atanga petitioner te chuan grace mark inpek danah thil fel lo a awm tia sawiin engmah ‘logic mumal a awm lo’ ti bawkin zirlai thenkhatte chuan awm ang lo lutuk mark hmu in zirlai thenkhat ten maximum mark 720-ah 720 te an hmu a ni an ti bawk.
“Grace mark pek danah logic mumal tak a awm lo va, grace mark pek list siam a ni lo bawk. Chu mai bakah grace mark pekna chhan chu hun khawhral vang tih a ni a, mahse chu chu exam hmaa information bulletin-ah tarlanin a awm lo,” tiin petitioner te chuan an sawi.
Petitioner te chuan coaching centre pakhata zirlai 67-te chuan an vaiin 720 marks an hmu vek an ti bawk a, chu mai bakah provional answer key NTA in a pekchhuahah answer a inang lo tiin an sawi bawk.
Medical test a cheating awm thei anga lang chu a hlauhawm tia sawiin petitioner te chuan, “Medical field hian scientific leh medical knowledge thuk tak hriatthiam a mamawh a. Entawn emaw bumna emaw hmanga exam a pass chuan thil tha lo zawk thlenin damlote nunna derthawngah a siam thei zawk,” tiin a sawi.
“Intluktlanlohna siamin leaked exam paper lei thei leh lei zo lote inthlauhna a siam nghal a, bumna thiltih niin rim taka zira dik taka hlawhtlin tum te nghawngin vantlang pumpui a nghawng bawk” tiin petitioner-te chuan an sawi bawk.
May 17 khan Chief Justice bench chuan petition dang a lo ngaihtuah tawh tho a, mahse, court chuan result tihchhuah tawh chu a khawih danglam chuang lo.
Hetih lai hian NTA chuan zirlai 1,600 tena lungawilohna an thehluh zirchian turin high-powered committee a din a ni.
National Eligibility cum Entrance Test-Undergraduate (NEET-UG) examination hi National Testing Agency (NTA) ten MBBS, BDS lehnd AYUSH leh a kaihhnawih course government leh private institutions a zirturte thlan nana a buatsaih a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More