US rawtna siam UN-in pawmpui

United Nations Security Council chuan US-in Israel-Gaza cease fire plan a siam chu an pawmpui.
US rawtnaah chuan ‘inkahhai tluantling’ mai bakah Hamas ten mitangte chhuah zalen vek tur leh mitang thi tawh te pawh an pe let vek ang a, Palestinian lung in tangte pawh chhuah zalen an ni bawk ang.
Security Council member 15 zinga 14 te chuan US rawtna thlawp zawngin vote an thlak vek a, Russia erawh a hai thung.
Resolution chuan Israel chuan ceas fire proposal chu a pawm tawh a, Hamas te chu pawm ve turin an nawr zui bawk a ni.
Tihian Security Council chuan ram hrang hrangte bakah khawvel ram hausa inzawmkhawm G7 te pawhin an pawm 31 May a US President Joe Biden an three-part plan a siam chu an pawm ve ta a ni.
Security Council-in a pawmpui tak avang hian Gaza indona tihtawp a nih theih nan Israel leh Hamas te chuan zawm lo thei lo an ni dawna ngaih a ni a.
US Secretary of State Antony Blinken chuan foreign leader hrang hrangte hmuin chung zingah chuan Israel Prime Minister Benjamin Netanyahu pawh a tel a, President Biden rawtna chu tihtlang ngei a tum a ni.
UN Security Council-in vote an lak hma lawkin Blinken chuan ‘Inkahhai awm se in duh a nih chuan Hamas tena an remtih ngei nan nawr rawh u’ tiin a sawi.
Hamas te chuan a hma in US president ruahmanna siam chu a then lai an pawm thu sawiin Security Council resolution pawh lawmawm an ti bawk a. Hamas te chuan permanent ceasefire a awm ngei theih nan leh Gaza Strip atanga Israel a inhnuhdawh vek theihna turin an nawr chhunzawm tura ngaih a ni thung.
Doha a Hamas political leadership te chuan official takin chhanna engmah an la siam lo thung. US rawtna siamah chuan indona avanga Gaza a infrastructure nasa taka tihchhiatte din thar leh tur a ti bawk a.
A thawhkhatnaah chuan lung in tang inthleng tawn phawt tur a ni a, a thawh hnihnaah indo an tihtawp hlen a nih theih nana hmalak zuina leh Gaza atanga Israel sipaite inhnuhdawh theih nana ruahmanna siam niin a thawh thumnaah chuan Gaza hma lam hun zel atan reconstruction plan siam a ni bawk.
President Biden chuan ni 10 kalta khan a ruahmanna siam chu Israel-in a pawm fel tiin a sawi a. Mahse, Netanyahu chuan mimal takin US rawtna chu sawilanna a la nei duh lo thung.
Biden rawtna chu Israel ram chhungah pawh ngaihdan inang lo awmin Netanyahu sorkar a far-right te chuan duh lovin Netanyahu an a pawmpui a nih chuan sorkar atanga inhnukdawkin sorkar an tihthluk tur thu an sawi a. War Cabinet member Benny Gantz chuan Pathianni khan a lo ban phah tawh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More