SC-in Section 6A chungchangah thuremna la khekkhal rih

Constitution Bench Chief Justice of India (CJI) D.Y. Chandrachud kaihhruai chuan Section 6A of the Citizenship Act, 1955 constitutional validity chungchangah thuremna a siam a la khek.
Section 6A hi Assamese culture, heritage, linguistics leh social identity te humhim a nih theih nana Assam Movement leader leh khatih laia prime minister Rajiv Gandhi tena August 15, 1985-a Memorandum of Settlement ‘Assam Accord’ tia hriat lar bawk an ziah niin special provision 1955 Act a belh telna ni.
Court hnena affidavit a theh luhah Union Home Ministry chuan India rama illegal migration zat chiah data dik a pek mai theih loh thu a sawi a.
Chu mai bakah kum 2017 atanga 2022 chhungin foreigner 14,346 te chu an cham hun tur aia cham rei, visa bawhchhiat, dan kalha luh etc avanga thawn let an nih thu a sawi a. January 1966 atanga March 1971 inkara Assam lut migrants 17,861 te erawh Indian citizenship pek an ni, a ti bawk.
Solicitor General Tushar Mehta sorkar ukil chuan Indo-Bangladesh border fencing chu West Bengal sorkarin a thawhpui that duh loh avangin pin vek a la ni lo a ti bawk a. Court thupek angin North-East States-ah dan kalha ram dang mi an luh loh nana hmalak a ni, a ti bawk a.
Chief Justice chuan Section 6A chu 1971 Bangladesh Liberation War laia humanitarian measure a ni tiin hei vang hian illegal immigrants te tana amnesty scheme ang nena ngaihfin chi a ni lo a ti bawk.
Petitioner te chuan he dan hi Bangladesh nena ramri nei State tin te pawh hmang vek se tiin Assam bik thurchhuah chu a rem lo an ti bawk a.
Section 6A hian March 24, 1971 chu cut-off date ah siamin Assam a January 1, 1966 atanga March 25, 1971 inkara lut te chu ‘foreigners’ tih tur tiin mahse Indian khua leh tuite ang thova rights nei vek tur niin mahse kum 10 chhung chu vote thlak thei lo turin a ti a ni.
Kum 2015 khan Section 6A chungchang hi three-judge Bench chuan lo ngaihtuah tawhin Constitution Bench ngaihtuah turin a ti ta a ni.