SC-in Waqf bill khinna karlehah ngaihtuah dawn

SC-in Waqf bill khinna karlehah ngaihtuah dawn
Kar hmasaa parliament-a pawm tak, Waqf Amendment Bill khin letna (petition) a dawnte chu Supreme Court chuan karleh Nilaini hian a ngaihtuah dawn.
Sorkar pawhin court sang bera dan thar khinna lutte chhang let turin a inbuatsaih mek a, court-in thutlukna a siam hma chu eng thupek mah a la chhuah lo thung.
Sawi hlawh tak, eptute leh Muslim-ten an duh loh em em dan siam tum khin letna hi court chuan 15 a dawng tawh a, dan hi dan ang taka hman a rem lohna chhan hrang hrang avanga khing let an ni.
Dan atana duh lova khingtuten an khinna tam ber hi Nilaini leh Ningania Lok Sabha leh Rajya Sabha-a darkar 12 zet sawihonaa sawi chhuah tawhte a ni hlawm a. Bill hi rorelna ina pawm a nih hnuah president pawhin a pawmpui tawh a ni.
He dan thar duh lohna langsar ber chu Central Waqf Council leh Waqf Board-a Muslim ni ve lo member pahnih awm ngei ngei tura tihna chu a ni.
Hei bakah hian Waqf hnena bungrua leh thil dang (property) hlan tur chu a lo berah kum nga tal Islam lo ni tawh an ni tur a ni tih chu a ni bawk.
Dan thar hi a taka hman a nih hunah chuan sorkar property-te chu Waqf a ni thei tawh ang a, sorkar ta a ni zui tawh ang a, tual chhunga a lo dawngtute pawh a neitu an ni thei mai tawh dawn a ni.
Sorkar chuan dan thar hi property leh a enkawl dan kalhmang siamna mai a nih thu leh sakhaw thil a nih loh thu a sawi a. Waqf bill chu mi tam takte ban phak loh thilte ban phaka chhawpna tur leh Muslim ni ve lo sakhaw tlem zawkte pawhin an chhawr theih tur a nih thu a sawi.
Tuna kalpui danah chuan thil dik lo tam tak tih theih a awm a, Waqf property-te chu hmeichhia leh naupangten a hlawkna an chang pha ve lo va, hei hi dan tharah chuan paih vek a ni dawn niin an sawi.
Ram zau tak tak leh property hrawl tak takte chu Waqf Board-te enkawl a ni a, hei hi dik lo taka hman theih a ni a, chu chu paih vek tum a nih thu sorkar chuan a sawi a ni.