SCERT-in Poetry Festival buatsaih

SCERT-in Poetry Festival buatsaih
SCERT chuan Nilaini khan Poetry Festival a buatsaih a, Proficiency Award in English lawmman dawngtute hnenah hlan nghal a ni.
Poetry Festival hi Mizoram Board of School Education chairman JH Zoremthanga leh School Education director Angela Zothanpuii ten an hmanpui.
He programme hi kum 2011 atang khan kumtin neih thin niin, zirlaite tan thupui neia poem inphuahsiak – ‘On the Spot Poetry Writing Competition’ hman thin a ni. HSLC leh HSSLC-a English subject-a tithate lawmpuina certificate leh cash award sem thin a ni bawk.
Kum 2011 atanga kumin thlengin zirlai 393-in Proficiency Award in English lawmman an dawng tawh a. He lawmman hian certificate leh sumfai a kengtel. Kumin hian Poetry Festival-a tel turin higher secondary school 23 atangin zirlai sawm an ni a, zirlai 60 an tel. Kumina thupui (theme) chu “Undo…what if” tih a ni.
Poem inphuahsiaka lawmman latute chu – Ruthi Lalrinpuii, class XII (Sc) St. Paul’s HSS; Emmanuel Vanrempuia, class XII (Arts) St. Paul’s HSS; Jason Lalngaihsaka, class XII (Arts) Govt. Mizo HSS an ni.