School 10-ah Anti-Drugs Club

School 10-ah Anti-Drugs Club
Saitual district-a school hrang hrang 10 thlanchhuah atangin Anti- Drugs Club din tum a ni.
District Level Nasha Mukt Bharat Abhiyaan Committee Saitual chu an chairman, bawrhsap Dr Lalngura Tlau kaihhruaiin Nilaini khan an thukhawm a, ruihhlo do kawnga hmalak dan tur an ngaihtuah ho.
Thutkhawmah hian NMBA scheme hnuaia ruihhlo dona atana hmalak dan tur sawiho niin, chu’ng zingah chuan district chhunga school hrang hrang 10 thlanchhuah atanga Anti-Drugs Club din leh chu’ng school atanga master volunteer 50 training pek, ruihhlo dona atana tlawmngai pawl leh kohhran thalaite hnena awareness neih, short clip video leh reels insiamsiak, November 14 Children’s Day denchhena district pum huapa ‘Drugs Prevention Awareness’ neih an rel.