School leh office khar chhunzawm rih dawn

Cyclone Remal thawk thei reng a la nih avangin Mizoram sawrkar chuan a ni hnihna atan vawiin – May 29 hian school leh sawrkar office zawng zawng khar chhunzawm turin a ti.
May 27 tlaia School Education department hotute thukhawm chuan thli leh ruah thawk mek avangin May 28 kha school zawng zawng khar turin a ti a. General Administration Department pawhin hemi avang bawk hian May 28 khan sawrkar pisa, sawrkar hnuaia awm dang zawng zawng huam telin mahni in lam atanga hna thawk turin, pisa kal chawlh a lo puang tawh a ni.
Khaw chin thlirin thli leh ruah hi la thawk thei nia ngaih a nih avangin, inventhawn thilah School Education department chuan vawiin – May 29 atan pawh school hi kal loh chhunzawm rih nise, a ti a. GAD pawh hian sawrkar pisa hi mahni in atanga thawk turin, pisa kai loh chhunzawm turin thuchhuah a siam ve leh a ni.
Hetihrual hian emergency/ essential service kaihhnawih department ho chu pisa hi kai tura tih an ni thung.
School leh sawrkar pisa kai loh hian bank ho pawh a nghawng a, Thawhlehni khan inhawng mah se, bank engemawzat chu chawhnu lamah an khar nia thu dawn a ni.