Sean ‘Diddy’ Combs-a’n $1M a donate

Sean ‘Diddy’ Combs chuan HBCU (historically black college and university) tan dollar maktaduai khat a thawh a, “HBCU awm lo se chu tuna ka dinhmun hi ka thleng lo vang,” tiin a Instagram-ah a post a, Jackson State University Development Foundation tana dollar maktaduai khat a hlan lai thlalak a post tel bawk.
Diddy chuan, “HBCU support hi ka mawhphurhna ni vein ka hria a, hetiang ka ti thei hi ka tan pawh chawimawina a ni zawk. An hnathawh hi hriatpui tham a ni!” a ti bawk. Sean ‘Diddy’ Combs, kum 53, hian 2022 BET Awards-a lifetime achievement award a dawn tumin HBCU tana dollar maktaduai thawh a tum thu hi a lo puang tawh a, HBCU, Howard University-ah kum hnih a lo zir ve tawh a, chumi hnuah Uptown Records-ah a lut ta a ni. 2016 pawh khan Diddy hian Sean Combs Scholarship Fund dinin, dollar maktaduai a lo thawh tawh bawk a ni.