Season kal laiah Jabeur chefuh ve ta nge nge

Season kal laiah Jabeur chefuh ve ta nge nge
African leh Arab hmeichhe tennis player zinga thleng sang leh hlawhtling ber ni mek Tunisian Ons Jabeur chuan Pathianni Char-leston Open hmeichhe singles final-ah 7-6 (8-6) 6-4-a Belinda Ben-cic hnehin tun season-a a vawikhatna atan title a hlawhchhuak ve ta nge nge.
Nikum Wimbledon leh US Open-a runner up ni ve ve thei Jabeur laka tlawm ta Swiss Bencic kha Charleston Open-a champion lai niin, Pathianni khan match hnih a khel bik a, a chhan pawh Jessica Pegula nen Inrinni semi-final match an khelh kha ruahin a bumro a, Pathianniah khelh zawh theih chauh a ni a, last four paltlang hlawt ni mah se Chawlhniah vek final match khelh zui leh a ngai a, a title kawl lai a humhim zo ta lo a ni.
World number five Ons Jabeur tan tun hi a career-a WTA title pali a lakna niin, clay leilung bika a vawi-hnihna a ni thung.
Tunisia nula Jabeur hi January thla Australian Open second round-a a tlak hnuah hliamin a tibuai zui ta tlat a, a season bul tan dan a khirh nghal tuak a, mahse, April thla tir a nih meuh chuan tun season-a a hmasaber atan title a sualchhuak zui ta tho a ni.
2020 season atang khan clay-court bikah match 37 chak tling tawhin, hetih hun chhung hian WTA Tour-a chak hnem ber a ni nghe nghe.
Charleston Open hi Daniel Island, Charles-ton, South Carolina hmuna Family Circle Tennis Center outdoor clay court-a khelh mi niin, 2023 WTA Tour-ah hian WTA 500 tournament a ni.
Portugal lama ATP clay court tennis tour-nament khelh thin Estoril Open final-ah Pathianni vek khan world number five Casper Ruud pawh Miomir Kecmanovic lakah chak ve bawkin, kumin chhunga a title hmasaber a hlawh-chhuak ve bawk.
Norwegian Ruud hian Serb world number 40 Kecmanovic lakah 6-1 7-6 (7-3) hnehna changin a champion.
Nikum French Open leh US Open runner-up Ruud hian sponsorship hmuh loh vanga tihtawp tak Portugal Open thlakna atana kum 2015-a khelh tan Estoril Open bul a tan hma khan kumin chhunga game 11 a khelh tawhah vawinga chiah a la chak.
A career-a title 10 a lak tlinnain a ken tel ranking point hmangin Thawhtannia tarchhuah ATP ranking tharah kum 24 mi Ruud hian palina a luah chho.