Selena-i’n Daytime Emmy nomination a nei
Zaithiam leh lemchanthiam Selena Gomez hian nikum khan Primetime Emmy-ah Only Murders in the Building avangin best comedy series-ah nomination a lo nei tawh a, tun tum chu HBO Max cooking show ‘Selena + Chef’ avangin 2023 Daytime Emmy-ah outstanding culinary series-ah nomination a nei ve thung.
He category-ah hian ei siam lama hming chher tawh tak tak te nen an awm ho a, cooking show nomination-a lang dangte chu Andrew Zimmern ‘Family Dinner’, Martha Stewart ‘Martha Cooks’, Jose Andres and Family in Spain leh Roadfood: Discovering America One Dish at a Time te an ni. Award dawngtu hi 50th annual Daytime Emmy Awards-ah an puang dawn a, award semna show hi June ni 16-ah an nei dawn a ni.
Selena eisiam TV show ‘Selena + Chef’ hi HBO Max-ah tihchhuah a ni a, he show season thar berah hian Malibu beach house-ah eisiam lama hriathlawh tak tak te hnen atanga Selena-i’n ei siam a zir dan vel te an tarlang thin a ni.
Selena-i’n Daytime Emmy nomination a nei
Get real time updates directly on you device, subscribe now.
Prev Post