Ser tui dâwt chak record siam

Ser tui dâwt chak record siam
Ser tui hi straw hmangin litre khat in zo turin engtia rei nge hun i mamawh ang? German tlangval Andre Ortolf-a’n lime leh lemon tui litre khat straw hmanga in zo rang thei record a siam a, a record hi i khum thei dawn em?
Lime leh lemon hi ser tiin kan sawi ve ve a nih hmel a, lemon chu a lian deuh zawk a, a tung sawl deuh zawk bawk a, limbu kan tih ang hi a hmel e, lime erawh a pum a tê deuh zawk a, a bial/mum zawk bawk. Ortolf hian lemon tui litre khat hi straw hmangin second 13.3 chhungin a in zo vek hman a, lime tui litre khat pawh second 13.51 chhungin a in zo vek a, Guinness World Records pahnih a siam.
Ortolf hian a hmain hetiang record hi a lo siam tawh a, a record hmasa chu lemon-ah second 16 leh lime-ah second 16.82 niin, he record hi GWR siam lama mikhual lo tak David Rush-a’n a rawn khum a, ani hian lemon-ah second 13.53 leh lime-ah second 13.99-in record a rawn siam a, Ortolf hian Rush-a record hi a rawn khum ve leh ta a ni.