Serchhipah I-Day Football Tournament khel \an

Serchhipah I-Day Football Tournament khel tan
Nimin chawhma dar 10 khan Serchhip District Football Association (SDFA) buatsaih Independence Day Football Tournament 2025 chu Complex Field Football Stadium-ah khelh tan a ni a, Serchhip District Sports Committee assistant secretary Kapliana Pachuauin a hawng.
Independence Day Football Tournament 2025 opening function hi SDFA senior vice president Vanlalhruaia’n a kaihruai a; hawnna inkhawm tawiah hian khuallian Kapliana chuan thu sawiin, football player-te chu mi baka thawkrim turin a chah.
Kapa chuan, “Vawiina khawvel footballer ropui leh hlawhtling kan hriatte zawng zawng hi mi baka thawkrim an ni. India ram khawpui hrang hrang club lian tak taka Mizo footballer awmte pawh khu han belchiang ula thiante aia thawkrim, thiante aia training taima an ni zel ang.
“Football-ah chauh lo, zirnaah pawh a ni tho, tin, kuthnathawhnaah pawh a ni. |hiante aia taima, thiante aia thawkrim hi a hlawhtlingah an tang zel,” a ti.
Opening match hi HFC Young Boys leh Hriangtlang FC-in an khel a, 5-2-in HFC Young Boys an chak.
Tournament-ah hian an district chhunga first division chin football team pariat an chhuak.