Serchhip District Boxing Association chuan huam zau zawka Mizoram boxing-in hma a sawn theihna’n professional leh amateur tel vek theihna Mizoram Open Championship a buatsaih dawn.
-- Advertisement --
Mizoram chhung leh pawna boxer a duh apiang tel theih a ni dawn a, January ni 26 thlengin hming pekluh theih a ni ang.
Serchhip Boxing Hall-ah January ni 31 atanga February ni 3 chhunga khelh tur a ni a, mipa weight hrang 10 leh hmeichhia weight hrang paruk a awm dawn a, lawmman pawisa fai cheng singnga ruahman a ni.
Hmun dang atanga tel tur boxer-te Serchhip Boxing Hall-ah thlentirin ei leh in tumsak an ni dawn a, mutbu leh mimal mamawh erawh an intum a ngai ve thung dawn a ni.
Serchhip District Boxing Association president Kapliana Pachuau chuan an district chhungah boxing-in hma lam a pan zel theihna tur a nih piah lamah huam zau zawka hmasawnna a thlen theihna’n professional emaw amatuer emaw thliar lovin an tel thei vek dawn tih a sawi a, he championship huaihawtna kawngah hian 42nd Assam Rifles nen an thawkdun a, anni hi an phur hle a, boxer-te tan hamthatna a awm zui ngei a beisei bawk.
Colonel Vikash chuan Mi-zoram Open-a chetha boxer-te an chhinchhiah zui dawn tih a sawi a, an duh a nih chuan Assam Rifles-a an luh nghal theih dan tur ngaihtuah a nih dawn bakah training tha zawk an neih zui theihna tur an dapsak dawn tih a sawi.
Mizoram Open Boxing C’ship 2023 chu…
January ni 31 atanga February ni 3, 2023 chhungin Serchhip Boxing Hall-ah Mizoram Open Boxing Championship 2023 buatsaih a ni dawn bawk a, Mizoram chhung leh pawna boxer a duh apiang tel theih a ni a, lawmman \ha tak siam a ni ang.
Boxer-te hi Serchhip Boxing Hall-ah thlentir an ni ang a, ei leh in ngaihtuahsak vek an ni ang. Thleng, no, mutbu leh mahni mamawh chawp erawh intum tur a ni.
Boxer tel tumte chu phone no. 9089284394 leh 9436596533-ah call emaw whatsapp emawin January ni 26, 2023 Republic Day hma ngeia inhriattir tur a ni.
Weight category awm turte
Men
1. 46 – 48 Kg
2. 48 – 51 kg
3. 51 – 54 kg
4. 54 – 57 kg
5. 57 – 60 kg
6. 60 – 63 kg
7. 63 – 67 kg
8. 67 – 71 kg
9. 71 – 75 kg
10. 75 – 80kg
Women
1. 40 – 44 kg
2. 44 – 47 kg
3. 47 – 50 kg
4. 50 – 54 kg
5. 54 – 57 kg
6. 57 – 60 kg
Lawmman:
Gold – Rs.2000 + Certificate + Medal
Silver – Rs.1000 + Certificate + Medal
Bronz – Certificate + Medal
Best Boxer – Rs.1000 (Men & Women)