Taylor Swift hla hit ‘Anti-Hero’ chu Billboard Hot 100 (singles) chart-ah a No.1 a, a zawn ni kher lovin he chart-ah hian kar riat a No.1 tling ta a, Taylor Swift hlaah chuan he chart-a No.1 ni rei thei ber a la ni a, 2014-15 a a hla he chart-a kar sarih No.1 thei ‘Blank Space’ a kalsan ta a ni. Hetihrual hian SZA ‘Kill Bill’ pawh No.2-ah a invawrh a, he chart-a a tawn san ber a la ni a, Zach Bryan pawhin a vawi khat nan chart top 10 kai thei hla a nei ve ta bawk.
-- Advertisement --
Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
Taylor Swift ‘Anti-Hero’ hi kar khat chhungin US-ah stream maktaduai 16.8 leh sales 7,000 tlingin, radio airplay maktaduai 88.5 a tling bawk a, hei hi Hot 100 chart-ah a kar riat nan a No.1 pui leh ta a ni. Taylor Swift hian Hot 100 chart-a No.1 kai thei hla pakua a nei tawh a, chung hla pakua te chart-a an No.1 chhung belhkhawm chu kar 29 a tling tawh bawk.
SZA ‘Kill Bill’ chu stream maktaduai 31.1, sales 1,000 leh rado airplay maktaduai 14.2 tlingin No.3 atangin No.2-ah a insawn a, he chart-a a tawn sân ber a la ni. He hla hi a album thar ‘SOS’ atanga a single niin, a album hi kar nga chhung Billboard 200 (albums) chart-ah a No.1 tawh nghe nghe a ni. SZA hian Hot 100 chart top 10 kai thei hla pasarih a nei tawh bawk.
Chart No.1 hlui Sam Smith leh Kim Petras ‘Unholy’ chu No.2 atangin No.3-ah a tawlh a, David Guetta leh Bebe Rexha ‘I’m Good (Blue)’ chu No.4-ah bawk lehin, Metro Boomin, The Weeknd leh 21 Savage “Creepin'” chu No.6 atangin No.5 a kai thar a, The Weeknd ‘Die for You’ chu No.8 atangin No.6 a kai thar ve leh ta bawk.
Drake leh 21 Savage ‘Rich Flex’ chu No.5 atangin No.7-ah a tawlh a, chart No.1 hlui Harry Styles ‘As It Was’ chu No.7 a\angin No.8-ah a tawlh a. Steve Lacy ‘Bad Habit’ chu No.9-ah bawk a la awm.
Chart top 10 khartu chu Zach Bryan hla thar ‘Something in the Orange’ niin, stream maktaduai 17.4, radio airplay maktaduai 3.9 leh sales 4,000 tlingin, No.11 atangin No.10 a kai ta a, Zach Bryan tan he chat top 10-a a lan vawi khatna a ni.