Shah-a’n Congress te India ram rawk ti

Uttar Pradesh a Raebareli a campaign a neihnaah Union Home Minister Amit Shah chuan Congress party nataka beiin kum sawm tam ram mipuite an rawk tawh a ti.
Amethi leh Raebareli a BJP candidate Smriti Irani leh Dinesh Pratap Singh te tana a campaign naah an candidate te chu mipui tana rimtaka thawk tu an ni a, chakna an chang ve ve ang a ti bawk a.
INDIA alliance chu beiin Amit Shah chuan, “Hun rei tak nghah hnuah Ayodhya ah Ram Mandir din a ni a. Congress te chuan Pran Pratishtha chu a nih tur angin kalpui a ni lo an ti a. Thuneihna chang chiah se Babri hi an khar ang” tiin a sawi.
“Dynastic politics an kalpui a. Lalu an a fapa CM tir a tum a, Mamata in a vah CM tir a tum bawk a, Sonia Gandhi in a fapa Rahul Gandhi prime minister tir a tum bawk a. Raebareli leh Amethi seat chu an ta angin an chhal a. Mipui ten an tichiang zawk dawn a ni, Parivaar te tan seat reserve a awm lo” tiin a sawi bawk.
Article 370 chungchangah Congress te chu bei bawkin, “Congress te chuan Article 370 kalhin an che lo, Modiji an a nuaibo a ni. Ram chhungah firfiakna a titawp a, firfiak te a nawrchhuak bawk a. Pakistan awp Kashmir hi kan tam a ni a, kan hlau lo” tiin a sawi.
Congress te chu corrupt tia sawi bawkin, “He ram hi kum tam an rawk tawh a. Modi sarkar chuan lung in ah a khung ang” a ti bawk a.
Uttar Pradesh a double engine sorkar chuan hmasawnna a thlen ti bawkin, “Modi hnuaiah state in hma a sawn. UP in expressway 14, metro network, medical college, film city, toy park etc te a nei tawh. Yogi an he rama misual te a um bo tawh” a ti bawk