Union Home Minister Amit Shah chuan April 14, 2023 khan BJP te chu West Bengal-a Lok Sabha seat 42 awmah 35 tal pe tura tiin chutiang a nih chuan TMC government chuan kum 2025 hnu lam an daih tawh lovang tiin a sawi.
Mamata Banerjee sorkar chu ‘Hitler sorkar ang mai’ tia sawiin Shah chuan West Bengal-ah BJP te chuan seat 35 tal an lak a ngai tia sawiin tichuan ‘State chhunga Ram Navamai rally ah tumahin an tibuai ngam tawh lovang’ tiin a sawi bawk.
Tun thla tir lam khan West Bengal a hmun hran hranah Ram Navami lawmna neih laiin buaina a chhuak a ni.
“Chiang taka ka sawi duh chu Narendra Modi chu Prime Minister a ni leh dawn a ni. Kum 2024 Lok Sabha poll ah West Bengal atangin seat 35 tal min pe ula, tichuan Mamata Banerjee sorkar chu kum 2025 an pel lovang tih ka tiam che u” tiin Birbhum district a rally a neihnaah a sawi a.
Mamata Banerjee hian kum 2026-ah a term thumna a hmang zo dawn a ni.
“Mamata Banerjee hian a vahpa hi CM leh tura dah a tum a ni thei a, mahse, West Bengal chief minister ni leh tur chu BJP mi leh sa a ni ang a. BJP te chauhin corrupt TMC te hi beiin an hneh thei a ni,” tiin a awi.
Banerjee vahpa Abhishek Banerjee chu TMC national general secretary niin MP a ni bawk a. BJP te hian kum 2019 inthlanah khan West Bengal-ah Lok Sabha seat 18 an la a ni.
Shah-an TMC sorkar ‘Hitler hunlai’ rorelna ti
Get real time updates directly on you device, subscribe now.
Prev Post