Siaha-ah HIV/AIDS & STI’ do beihpui thlakna hmang

Mizoram State AIDS Control Society (MSACS) leh District AIDS Prevention & Control Committee (DAPCC) te buatsaih, Intensified IEC Campaign ‘India Fight Against HIV/AIDS & STI’ Observance & Prize Distribution Programme chu nimin khan Govt Saiha College, Siaha, Seminar Hall-ah hman a ni a, District Bawrhsap VL Hruaizela Khiangte chu Khuallian a ni.
Bawrhsap VL Hruaizela Khiangte chuan, Intensified IEC Campaign, ‘India Fight Against HIV/AIDS & STI’ denchhana event hrang hrang buatsaih a ni chu a hluin a pawimawh hle a ti a, kar hmasa lama kawngzawh hlawhtling tak neih tak te tarlangin thawktute an fakawm takzet, a ti. Siaha District-ah HIV/ AIDS vei an tam hle thu te, nau piang 1000 zela nausen thi zat (Infant Mortality Rate)ah Siaha a sang fal hle te chu pawi a tih thu sawiin hetiang lama inhrilhhriatna hun buatsaih chu a tul takzet a, naupang leh thalai-te hriata sawi tam a pawimawh a ti bawk.
Intensified IEC Campaign ‘India Fight Against HIV/AIDS & STI’ pual hian September ni 10 atang khan category hrang hrang hmangin college leh school zirlaite zingah inelna buatsaih a ni a, nimin khan lawmmante sem a ni.