Silai lei leh zawrh danah license nung lai ngei nei chauh zuara lei turin Aizawl district bawrhsap chuan a huamchhunga mipui a chah.
Aizawl district bawrhsap Dr Lalhriatzuali Ralte chuan mi thenkhatin silai leh a kaihhnawih – silai licence, register loh silai, silai mu adt. an zawrh thin avangin mipui mimir fimkhur zawkna’n thupek a chhuah a. Tupawh silai lei/ zuar tur chuan a silai lei/ zuar tupa nen valid arms licence nei ve ve tur leh, silai lei/ zuar tur chuan phalna lehkha an awmna district magistrate hnenah la hmasak turin a ti.
Danin a phal ang niloa silai leh a licence zawrh, register loh silai zawrh leh licence neilo hnena silai hralh chu dan kalh a ni, tiin, mahni hminga licence nei loa silai kawl chu Section 25 of Arms Act 1959 angin a rei lo berah kum thum lung in tan theihna a ni tih a sawi a. Arms Rules 2016 hman a nih atangin mimalin midang silai retainer anga an kawl theih thin pawh tihtawp a ni tawh tih a sawi bawk.
Section 3(1) of Arms Act 1959-a tarlan angin, silai (firearms) chu mahni hminga silai licence neite chauhin an kawl thiang a, hetianga dann a phal loh thil tilui chu an licence tihtawp sak bakah dan anga hrem an ni dawn tih a sawi.
Silai lei fimkhur turin chah
Get real time updates directly on you device, subscribe now.