Sinner a chak ve leh ta

Australian Open 2026-ah Novak Djokovic hneh lova a tlak hnuin Jannik Sinner chuan inelna a hmachhwn ve leh ta a. Qatar Open-ah inlanin hnehna a chang nghal.
World number two Jannik Sinner hian Qatar Open-a a khingpui Czech Republic star Tomas Machac lakah a khel tha viau a, harsatna lian tawk lovin hnehna a sualchhuak. Sinner hian Machac lakah bul a tan tha viau a, set khatnaah game khat chiah a hloh. A khingpui serve a break deuh vek a, awlsam zetin set khatna a la.
Set hnihnaah Machac a rawn khel tha chho fu naa hun pawimawh takah chesualin a serve a hum zo lo. Sinner-a’n break nawn leh ngei tumin tan khawh bawk ma se a break nawn thei bik lo. Grand Slam-ah vawi li champion tawh Sinner hian break vawi khat a neih a chhawr tangkai a, game li hloh chunga set la nawn lehin Manchac lakah hian 6-1 6-4 in a chak Sinner hian Australia star Alexei Popyrin a hmachhawn zui leh dawn.
Sinner laka fiahna hautak hmachhawn tur Popyrin hian wild card hmanga ineln hmachhawn Mubarak Shannan Zayid a hmachhawn a, a khingpui hi a ngam miah miah hle. Set khatnaah a khingpui Serve zawng zawng a break vek a, game khat te pawh hloh ei lovin set a la. Set hnihnaah pawh a khel tha zui leh viau a, game hnih chauh hloh chunga set la zui lehin Zayid lakah hian 6-0 6-2 in hnehna an chang zui ta a ni.
Thawhlehnia inkhel dangah champion tura rinkai zinga mi Daniil Medvedev chuan a khingpui Juncheng Shang chu 6-4 6-2 in a hneh. Medvedev rual hian Sixth seed Jakub Mensik pawhin hnehna a chang ve bawk a. Ani hian Great Britain star Jan Choinski a hmachhawn zui ve leh ang.