MNF Gen Hqrs chuan nimin khan thuchhuah siamin, hun rei tak ata Mizo mipuiten beiseina nena kan thlir Assam Rifles sawn chhuah hun a taka lo thleng chu lawmawm an tih thu sawiin sawn chhuah an nih theih nana theihtawpa hma latu Zoramthanga kaihhruai sorkar chu an chhuang hle tih an sawi.
Assam Rifles-in an hmun an chhuahsan turah mimal thil tithei leh sawrkara ham\hatna dawng thei chinte insem ral leh neih mai mai tura ngai tuten hma nasa takin an lo la tawh tih sawiin an chhuahsan ram chu mipui tan leh ram tana hman \angkai turin Mizoram sorkar chuan ngaihtuahna lo seng lawkin, mimal tana neih theih loh turin thu Assembly House-ah kum 2002 khan a lo pass tawh a, mipui punkhawmna lian tham awm theihna turin ‘Mizo Hnam Pa, Pu Laldenga’ hriatreng nan Laldenga Convention Center ropui tak din a ni ang, thuchhuah chuan a ti.
Mutmawh hnarmawha neitu CM tumruhna leh \hahnemngaihna chu mizo mipuite tan a chhuanawm takzet tih an sawi a. |henkhatten deuhsawhna chitin reng nena an beih lai pawhin Zoramthanga chuan a tum a \hulh chuang lo tih sawiin chawl lova a hmalakna kalpui zelin central lama thuneitute a dawr tih an sawi a. A hlawhtlinna ruangam lo lang ta chu Aizawl khawpui leh Mizoram tan mellung pawimawh tak a ni reng dawn a ni an ti.
Zoramthanga kaihhruai MNF sawrkar kum 1998-a a rawn sawrkar \an leh khan AR ram luah mek zau tak chu chhuh sak a Mizoram New Capital Complex (MINECO) hi din a nih thu thuchhuahah chuan tarlan a ni. Khawpui tawt lutuk tur tihziaawm nan Sawrkar Office hlawm lian zawng zawng deuhthaw dah nan leh, Sawrkar hnathawk za tel ten an luah tur Quarter sak a nih thu an sawi bawk. Mizoram New Capital Complex(MINECO) din a ni thei chu Mizoram mipuiin kan \angkaipui em em thu leh hmathlir thui tak nei, Chief Minister leh MNF President ni bawk Mizoram tan rohlu berte zing ami a ni tih an sawi bawk.
Sipai sawn chhuahnaah MNF-in Zoramthanga hmalakna chhuang
Get real time updates directly on you device, subscribe now.