Lawngtlai Sub-Headquarters MSTA leh Lawngtlai General Headquarters PSTA te \ang kawp hma laknaa sak, Lawngtlai College Venga zirtirtute khualbuk, Teachers’ Inn chu nimin khan Mizoram Legislative Assembly Deputy Speaker H. Biakzaua’n a hawng.
H. Biakzaua chuan Mizorama Teachers’ Inn nei thei khawpui an la tam loh laia Lawngtlaiin a nei thei chu District tan mellung pawimawh tak leh hmasawnna chhuanawm tak nia a hriat thu sawiin, mahni insengsova hmalatu Middle School Teachers’ Association (MSTA) leh Primary School Teachers’ Association (PSTA) te chu fakawm a tih thu a sawi a. Teachers’ Inn chu a mamawhtute tan thlamuang taka innghahna tur hmun \ha tak niin, a bik takin thingtlang lam a\anga hmunpuia \ul leh pawimawh tia lo kal zirtirtute tan a \angkai lehzual hle dawn a ni, a ti.
Zirtirtute chu mi dangte thiamna pe chhuaktu leh mihring chhertu an nih avangin an hna pawh hna zahawm leh hna pawimawh tak a ni, a ti a. Sawrkar pawhin zirtirtute leh zirna ngai pawimawhin zirna kawnga hmasawnna tur te, zirtirtu indaih lohna phuhru tur leh infrastructure tihchangtlun nan te nasa takin hma a la reng tih a sawi a. Zirtirtute chu an hna thawh hmanga ram leh hnam siamtu an nihna inhre renga rinawm taka an hna thawk tura chahin, \ha taka sawrkar thawhpui zel turin a sawm a ni.
Deputy Speaker H. Biakzaua’n Teachers’ Inn a hawng
Get real time updates directly on you device, subscribe now.
Next Post