SIT ten H.D. Revanna man

Karnataka Minister hlui leh Holenarsipura MLA H. D. Revanna chu a pa leh prime minister hlui ni bawk H.D. Deve Gowda chenna Padmanabha Nagar ah man a ni a. Special Court for Elected Representatives, Bengaluru in anticipatory bail a dilna a hnawlska hnu lawkah man a ni.
SIT team te chuan Revanna chu prime minister hlui a pa ni bawk Deve Gowda chenna Padmnabha Nagar ah a awm tih an rhiat hnuah kalchilhin gate hawng tura an tih an hawn duh loh hnuah tihchhiat an tum laiin Revanna chuan kawngka hawngin a in pe ta a ni tia sawi a ni.
Hetih chhung chuan inchhung lamah Deve Gowda pawh a awm reng tia sawi a ni bawk a. Revanna chu SIT office ah hruai zui nghal a ni bawk.
Revanna hi Mysuru district a May 2 a abduction case kaihhnawiha man a ni a. Revanna fapa Hassan MP Prajwal Revanna chu hmeichhe pakhatin April 29 khan zan laiah ru chhuakin a pawngsual tia complaint a thehluh hnuah Revanna chuan hmeichia chu a fapa laka thubuai a siam zui a dan vanga man a ni. He mi hnu hian vitim fapa chuan K.R. Nagar Police ah FIR a thehlutta a ni.
Hmeichhia rukbo chu SIT ten an zawn hnuah Revanna thian hnai Rajshekhar farmhouse ah hmuh niin chhanchhuah a ni zui bawk.
Revanna fapa Hassan MP Prajwal Revenna pawhin thubuai rip tak a hmachhawn dawn a. Hmeichhe tam tak tihluihna leh vauna hmanga mutpui lui leh a hnu zelah pawha vauzui leh a khuaikhem lai video la luia puh a ni a. Heng video te hi thehdarhin a awm mek a, video thehdarh a ni tih hriat veleh Prajwal Revanna chu Germany-ah a tlanchhe nghal thung.