Adani Group a yoga instructor Smita Kumari chuan yoga pose harsa zet mai ‘Bhunamanasana’ (Lei chibai bukna) tirei thei ber record siamin, darkar 2, minute 33 le second 37 chhung hetiang pose hian a awm thei.
Bhunamanasana-ah chuan thlalak tarlan ang hian ke an kar full pap a, hmalamah awm lei si thlapa bawkin, an ban pahnih sir lamah ngil takin chhuat hrulah an phar ngil at bawk.
Hetiang yoga pose hi core muscle bakah ke tihchak nan te leh malpui leh hnungzang tihrawl leh tha fân theihna siam nan a tha hle niin an tarlang a, hetiang pose a rei tak awm theih hi thil harsa tak a ni.
Kumari hian 2023 khan Samakonasana pose darkar 3, minute 10 leh second 12 tiin Guinness World Records a lo siam tawh bawk a, tunah chuan record pahnih a siam ta a ni.
Kumari hian Dev Sanskriti Vishwavidyalaya a a zirlai atangin yoga a tuipui tan a, 2017 khan Yoga-ah Master degree A+ grade-in a zo zui ta nghe nghe a, Morarji Desai National Institute of Yoga atangin Diploma in Science, Yoga a nei tawh bawk. Tunah chuan Adani Group hnuaia yoga instructor angin a thawk mek a ni.
Smita Kumari’n Yoga pose ‘Bhunamanasana’ hmangin record siam
Get real time updates directly on you device, subscribe now.