Daily Newspaper

Nupa nun hlim taka hmang tura hriat tur tangkai

217

Bedroom-a nupa nun hmanna kawnga harsatna tawk nupa kan tam hle a, chu chuan nupa tam tak karah harsatna a thlen niin relationship lama mithiam ten an sawi a, chutihlaiin bedroom nupa nun hmang chuang lo a nupa inhmangaih leh hlim tak an awm tho niin an sawi bawk. Bedroom nupa nun hman lama harsatna hi thil chi hrang hrang vang a ni thei a, taksa hrisel lohna vang a nih loh chuan kan awmdan leh chetdan a zirin he harsatna hi a tihziaawm theih niin an sawi.

Scientist ten nitin coffee no hnih in ziah hian khumlaizawla mipa performance a tichak thei tih an hmuchhuak niin an sawi. US-a university-a mithiam ten zirchianna an neihah chuan caffeine hian thisen luang a tichak a, chu chuan mipa mipatna a tichak thei niin an ngai a, nikhata coffee tak tha tak no hnih chu a tawk viau niin an sawi.

Khai le, tun tumah hian relationship lama mithiam ten bedroom nupa nun hlim taka hmang thei tura hriattur leh tih tur pawimawh ni a an sawi te kan rawn tarlang e.

1. In bedroom nupa nun a tlahniam a nih chuan nupaa film romantic lampang en dun tam a tha. New York-a psychologist ten zirchianna an neih pakhatah chuan nupa tuak, thla khat chhunga film romantic deuh panga tal en dun a, an film en te sawi zui thin te chu an nupa nunah a tha zawngin an hlawkpui tih an hmuchhuak.
2. Zanah thawmhnaw ha lo va mut hian nupa nun hmanna kawng harsatna neite tan kawng a sial thui thei hle. British nupa tuak 1000-a zirchianna an neihah chuan nupaa saruaka zana mu thin 57% te chu nupaa mutkawr ha chunga mu thin 48% te aiin an nupa nun a hlim zawk niin an sawi. Chutihrualin nupaa insi riala mu thin te chuan inhlat deuha mu thin te aiin nupa nun an hmang tam zawk niin an sawi bawk. Zirchianna neitute chuan nupaa insi riala mu thin zingah 94% te chuan nupa nun hlim takin an hmang a, chutihlaiin taksa insi lo va inkar hlat deuha mu thin zingah 68% in khumlaizawl romantic an ti lo tlat mai!
3. Social media hman nasat loh tur. US university-a mithiam ten zirchianna an neih atanga an hmuh danin social media kan hman nasat hian nupaa titina hun leh inchhaihna hun turah kan smartphone kan khalh ta daih thin a, chu chuan bedroom nupa nun thlengin a nghawng thei.

4. Mei zuk sim rawh. Tunlaiah mipa kum lama naupang tak tak zingah pawh mipatna tho tha thei lo (erectile dysfunction) nei an tam ta hle mai a, hei hi nupa nun tibuai theitu pakhat a ni. Mei kan zuk hian erectile dysfunction kan neih theihna risk hi a zu ve ngai lo te aiin a let hnihin a sang zawk niin an sawi. Mei kan zuk hian thisenzam a tichhia a, thisen luang a tibuai a, chu chuan mipa mipat theihna thlengin a nghawng thei.

5. A boruak ti-hot turin rawng sen lam uar la. Mipa tam zawkin hmeichhia kawrsen leh thawmhnaw sen ha te an hmu tai duh riau tih chu tlang hriat a ni a, hmeichhiain hnuailam thawmhnaw sen a inbel phei chuan chu chuan mipa mit a lain, bedroom nupa nun hmanna kawng sialtu pawimawh tak a ni thei.

6. In mut pindan kha purple colour theme ni se, chu chuan bedroom nupa nun hmanna kawngah awmzia a nei tlat. Mi 2,000-ah online survey an neihah chuan a hmei a pain bedsheet purple rawng hman a, room chhunga purple rawng lam chi a tam hian bedroom nupa nun an hmang tam zawk niin an sawi.

7. Celery ei tam rawh. Celery chu salad velah pawh kan telh fo hi, he celery hian pituitary gland-ah hna thawkin sexual hormone tichhuaktu pawimawh tak a ni a, mipa tan a tha lehzual. Hmeichhe tan chuan strawberry, peaches leh theihai te hi a tha. Heng thei hian boron a pai tam a, boron chu calcium-ah insiamin, hmeichhe tan bedroom-a mi tichak theitu tha tak a ni.
8. Nupa chu inkuah a, in-chuks fo tur a ni. Nupa 1,000, kum 25 chuang innei tawhte zinga zirchianna an neih atanga an hmuh danin nupa inkuah thin leh infawp thin te chuan bedroom nupa nun an hmang nuam zawk.

9. Dark chocolate ei tam rawh u. Dark chocolate hian min tihlimtu, endorphins a tichhuak hnem a, chu chuan nupaa bedroom nun hmannah kawngro a su hle. Chocolate hian phenylethylamine a pai hnem a, chu chuan kan taksaa dopamine a tichhuak hnem thei a, chu chu bedroom nupa nun atana pawimawh tak a ni, flavinols a pai hnem a, chu chu mipa mipatna atan a tha hle bawk.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy