Ministry of Electronics and Information Technology chuan February 28 khan Grievance Appellate Committee (GAC) chu IT Rules, 2021 hnuaiah hawng tharin he mi hmang hian social media a thu post te nuai bo duh te emaw leh lungawilohna neite chu sorkarin Committee pathum a siam zinga pakhatin an ngaihtuah theih turin ruahmanna a siam.
He hmalakna hi India rama social media content thunun a nih theihna tura hmalakna langsar hmasa ber a ni a. Nikum khan Information Technology (Intermediary Guidelines and Digital Media Ethics Code) Rules, 2021 chu siam that lo ni tawhin chutah chuan social media company tin te chu “Constitution hnuaia khua leh tui te rights zahsak tur a tiin chutah chuan article 14, 19 leh 21” te pawh huamin hemi hmang hian social media platform te chuan thusawi leh tawngkam te an platform a hman remtih loh an nei thei tawh dawn a ni.
January thla khan committee pathum din niin chung te lungawilohna thehluhna tur leh hma la zui tur an ni a. GAC website chuan mipuite atangin lungawilohna an dawng tan thei tawh a. IT Rules chuan heng platform-te hian an content neihah te a hmangtu tena complaint an siam a nih chuan thaibo thei tura mawhphurhna nei tawh dawnin mahse GAC thupek a ngai thung dawn a ni.
India chauh hi platform heng Facebook leh Twitter te private ‘intermediaries’ ve mai an platform a an duh dan ang anga titihona dan siam thei an ni lo ti a ni lo. United States pawhin he mi kaihhnawih hi ngaihtuah mekin platform te thlawp lo lama thutlukna a siam a nih chuan khuahkhirhna khauh zawk kalpui thei a ni bawk a. Washington DC-a inbun Reporters Committee for the Free Press te chuan he case-ah hian tawngkaa inhnialna kalpui mek niin apex US court chuan thutlukna a siam thuai ang a ti.
Social media thu post-te thlifim thei tur din fel
Get real time updates directly on you device, subscribe now.
Next Post