Union Personnel Minister Jitendra Singh chuan Central sorkar hnuaia pension late chu sorkar hnathawk mekte aiin an tam zawk tiin a sawi. Singh chuan, “Pensioner an tam zawk a, an vaiin 77 lakh vel an ni a, service personnel te hi 50-60 lakh vel chauh an ni,” tiin a sawi.
“Vawiin hian pension zingah kum 100 chin chunglam 6,000-7,000 vel an awm a, anni hian an thawh laia an hlawh ang vel pension an la a. Pension 1 lakh vel te chu kum 90 atanga 100 inkar an awm bawk a. Kum 100 chin chunglam 1 lakh pension an awm theih kan thlir a ni,” tiin a sawi.
Singh chuan 4th pre-retirement counselling workshop neihnaah tun dinhmunah fanu pasal neia kir leh te chuan family pension an la chhunzawm thei a ti bawk a, pension/family pension la tura seven-year service eligibility chu nuaibo a ni tawh thung a ti bawk a. “Kan tum ber chu feudal mindset regulatory regime nuai bo a ni,” tiin a sawi.
Singh chuan Canara Bank tena Bhavishya portal tia pensioners portal an siam leh SBI Integrated Portal tih chu hawnna a nei bawk a. Hei bakah hian Central Civil Services Extraordinary Pension Rules Book, 2003 chu tlangzarhna a nei bawk a. CSS (EOP) Rules hi Extraordinary Pension Rules, 1993 revised/streamlined version a ni.
Secretary, Pensions & Pensioners’ Welfare, V. Srinivas pawhin thusawina neiin central sorkar chuan a hnathawk hlui pensioner 11.25 lakh te chu online tir a tum thu a sawi a, he mi hmang hian department chuan anmahni a ngaihsak zual thei dawn a ti bawk a.
“SBI Pension Seva Portal leh Canara Bank Bhavishya portal integration peihfel a ni tawh a. He mi hmang hian pensioner ten an pension slips te leh Life Certificate leh Form-16 te chu Integrated Pensioners’ Portal hmangin an thehlut thei tawh dawn a ni. Integrated Pensioners’ Portal ah hian pension-disbursing bank 18 te an tel vek ang,” tiin a sawi bawk.
Sorkar hnathawk mek aiin pensioner tam zawk
Get real time updates directly on you device, subscribe now.