Sofa siamna hmun kangah mi pathum thi
Noida, Delhi-a factory kangah a thawk lai mi pathum an thi a, a neitu mana ni tih police-in an sawi.
Sofa siamna hmuna kangmei chhuak hi Thawhlehni tuka chhuak a ni a. Fire brigade panga hmanga thelh mih a ni tih Additional Deputy Commissioner of Police (Zone III) Ashok Kumar Singh chuan Nilaini khan a sawi.
Mi pathum thite hi – Gulfam (23), Mazhar Alam (29) leh Dilshad (24) te an ni a, thelh mih a nih hnuah an ruang hi hmuh a ni a. Chhui zuinaah chuan he factory hi Covid-19 len lai atang khan hawn a ni leh tawh lo va, a neitu hian mi thenkhat hnenah sofa siam that (repair)-na atan a hawhtir a ni.
Gulfam-a nuphalpain factory neitu lakah thubuai thehlutin a fimkhur tawk loh vanga kangmei chhuak niin a puh a. Electric short circuit vanga kangmei hi chhuak a nih thu leh a neitu hian himna turin engmah thil a ti lo niin a sawi.
Thubuai thehluh a nih angin Bharatiya Nyaya Sanhita Section 289 leh 106 tlawhchhanin thubuai siam a ni a. Chhui zui mek a ni tih Singh chuan a sawi.
Sofa siamna hmun kangah mi pathum thi
Get real time updates directly on you device, subscribe now.