Sorkar hnathawk hlawh cut atangin Cheng vaibelchhe 23

Mizoram Universal Health Care Scheme (MUHCS) atan sorkarin sorkar hnathawkte hlawh atangin thla tin pawisa a la (cut) a, pensioner-te atangin a la bawk. Chung chu kum khatah cheng vaibelchhe 23 chuang a tling.
Sorkar hnathawkte hlawh leh pensioner-te hlawh atanga pawisa lak then hi kum khatah Rs 23,38,37,345.00 a ni.
Sorkar hnathawkte hi an dinhmun azirin an hlawh atanga cut zat a inang lo a, a sang berte chu thla khatah Rs 1500 zel cut niin, kum khatah mi pakhatin Rs 18000 a thawh tihna a ni.
Provisional employee-te’n thla khatah Rs 200 zel an thawh a, Level 1 te’n thla khatah Rs 300 zel, Level 1A-2 te’n Rs 300 zel. Level 3-5 te’n Rs 400 zel, Level 6-9 te’n Rs 700 zel, Level 10-12 te’n Rs 1000 zel, Level 13 leh a chung lam te’n Rs 1500 zel an thawh.
GIA-Funded employee, medical reimbursment ti thei te’n an thawh bawk a, level ruk awmin, a thawh tlem berte’n thla tin Rs 300, a thawh tam berte’n thla tin Rs 1500 zel an thawh.
GIA-Funded employee, medical reimbursment ti thei lo an awm leh a, thla tina Rs 300 thawh te, Rs 400 thawh te, Rs 700 thawh leh Rs 1000 thawh an awm.
CSS hnuaia thawkte hlawh pawh sorkarin a cut a, thla khata Rs 30,000 hlawh tling lote hlawhah thla tin Rs 300 cut niin, Rs 30,000-50,000 hlawhte hlawhah Rs 400 zel, Rs 50,001-Rs 60,000 hlawhteah thla tin Rs 700 zel, Rs 60,000 hlawh chinah Rs 800 zel cut a ni.