Spain-ah ruahsur nasa thleng leh thei, mi tam tak hmun himah insawn

Spain-ah ruahsur nasa thleng leh thei, mi tam tak hmun himah insawn
Spain khawthlang lam Costa del Sol huamchhungah ruahtui tam tak tla thei nia sawi niin, tuilian thleng thei a nih avangin mipui tam tak chu an chenna in atanga insawnchhuahtir an ni.
Spain civil protection agency chuan thawhlehni tlai khan Malaga province te chu hriattirna a lo pe lawk tawh a, kartawp lam emaw karthar tir lamah hian ruahtui tam tak an dawng thei niin a sawi.
Ruahtui tlak tamna tura sawi bialah hian khawlum lutuk an tuar mek a, ruahsur tura sawi hian boruak a tihdaih rin a nih rualin, red alert-a dah a nih avangin chhiatna thleng thei erawh a nih thu thuneitute chuan an sawi a ni.
Nireivak lo liamtaah khan Spain ram hian tuilian nasa tak tuarin, chhiatna nasa tak an lo tuar tawh a, bungrua leh lirthei tam tak chhiain, vawiin thlengin nunna chan 220 an awm tawh tih tarlan a ni a, tunah ruahtui tla leh tura hmun thenkhat tarlan a nih avang hian mi tam tak chu chiai hle in, hmun him lama an chenna in chhuahsan an tam tawh hle a ni.