Speaker hlui chungchangah prosecution sanction

Khawzawl leh Ngaizawl inkar kawng siamnaah thil dik lo a awm em tih chhuinaah ACB hnenah Mizoram sorkarin speaker hlui Lalrinliana Sailo laka thubuai siam phalna prosecution sanction a pe.
April ni 23-ah khan prosecution sanction pekna thu hi vigilance department-in an chhuah a, May ni 11 khan a darh a ni.
Khawzawl leh Ngaizawl inkar kawng hi hi flexible pavement hmanga siam tur a ni a, hetih laia a bialtu (Tuichang) Lalrinliana Sailo-in contract hna a pe a, hnathawhna atan cheng nuai 65 a puk a, a pung nen cheng nuai 100 rulh a ngai tiin, contractor leh sub contractor te hnen atangin Rs 97,85,000 a dawng tia puh a ni.
Hemi chungchang hi ACB-in an chhui a, Mizoram sorkarah thubuai ziahluh phalna an silna chu remtiin, prosecution sanction siam a ni ta a ni.