Speaker leh legislator rualte intawkkhawm

India rama a vawikhatna atan MIT- School of Government (SOG) buatsaih, National Legislators’ Conference (NLC) hmasa ber chu Ningani a\ang khan Mumbai-ah \an a ni a. Lok Sabha speaker lo ni tawhte, India ram state hrang hrang Assembly speaker leh Council chairman te, central leh state sawrkar mi pawimawhte an tel. Mizoram a\angin Assembly speaker Lalrinliana Sailo pawh a tel a ni.
Conference hawnnaah hian a thlengtu Maharashtra sawrkar aiawhin Assembly speaker Rahul Narwekar chuan palai kalte lawmna thu sawiin NlC vawikhatna Mumbai-a buatsaih a ni chu lawmawm a tih thu a sawi. Maharshtra state indin chhoh dan leh hruaitu hmasaten India rama state changtlung leh pawimawh ber pakhat ni tura hma an lo lak dante sawiin, India ramah parliamentary democracy a hlawhtlin a, hma a sawn zelna turin legislator-ten inpawh taka an sawiho leh zirho tur chu a phurawmin, rah \ha a chhuah ngei a beisei tih a sawi a ni.
NLC hawnnaah hian India sawrkara nihna pawimawh tak tak chelh tawhte zingah Lok Sabha speaker ni tawh, NLC patron ni mek – Shivraj Patil, Dr Manohar Joshi, Dr Meira Kumar leh Swapna Mahajan te an tel a. Tibet Prime minister in exile Dr Lobsang Sangay pawh a tel. An zing a\angin Swapna Mahajan, Shivraj Patel leh Dr Meira Kumar ten thu an sawi a. State /UT hrang hrang speaker/ chairman te hnenah khawvel ram hrang 30 constitution pek \heuh a ni.
NLC hi ni thum awh tur a ni a. India ram state hrang hrang a\anga legislator rualten mahni ram leh ziarang inhriattawnna, ngaihdan thawhkhawm leh sawi ho, democracy \han zelna atana pawimawh, rorelna \ha nei tura legislator-te hmalakna tur, zirna lama hmasawnna rualkhai zawka kalpui dan tur, sum leh pai dinhmun thanna atana hmalakna tur pawimawh leh area hrang hranga hmasawnna turte an sawiho ang. MIT mithiam rualte nen group hrang hrangah in\hen darhin ngaihdan inhrilhtawnin, state kalphung tha zirho leh sawiho a ni ang.
Conference-ah hian India ram state hrang hrang leh Commonwealth ram hrang hrang a\angin Assembly speaker leh chairman, legislator rualte leh official \hahnem tak sawm an ni a. Mizoram a\angin speaker bakah political party hrang hrang aiawh MLA 6 – KT Rokhaw, Nihar Kanti Chakma, Er H Lalzirliana, Dr K Pachhunga, Dr Vanlalthlana leh Dr BD Chakma te an tel a. Official aiawhin Mizoram Assembly commissioner & secretary Lalhmahruaia Zote leh I&PR joint director PB Lianthangpuii bakah Assembly Secretariat a\angin officer leh staff an tel a ni.