Spider-Man pungkhawmin record an siam

Spider-Man pungkhawmin record an siam
Malaysia-ah Spider-Man thuama inthuam pungkhawm tam ber record an siam. Bukit Tinggi Aeon Mall, Klang, Selangor-ah June ni 3 khan Spider-Man thuama inthuam mi 685 an pungkhawm a, Spider-Man thuama inthuam pungkhawm tam ber record an siam. A hmaa hetiang record chu Sony Pictures Engtertainment (India)-in December 15, 2021-a an siam niin, Spider-Man thuama inthuam mi 601 an pungkhawm a, he record hi an rawn khum ta a ni.
He event hi mall Centre Court-ah tlailam dar 4-ah tan a ni a, punkhawmna tura an ruatah hian Spider-Man inthuama inthuam te chu minute 5 tal an awm ngei ngei a ngai a, minute 5 tal an awm tlin loh chuan record siamnaah chhiar tel theih an ni lo.
He event hi Sony Pictures Malaydia leh AEON Mall tangkawpin an buatsaih a ni a, June ni 1-a cinema hall-a chhuah tan Spider-Man: Across the Spider-Verse tihlar nana an tih a ni tel bawk.