St Joseph HSS-in pass lawm Minister-in Mizo thalai a zawt

St Joseph HSS-in pass lawm
Minister-in Mizo thalai a zawt
St. Joseph Higher Secondary School Ramhlun North & Bawngkawn chuan Thawhtanni khan HSLC & HSSLC Exam 2025-a an school atanga pass-te lawmpuina an hmang.
Hmanpuitu Education minister Dr. Vanlalthlana chuan midangte pui theia inbuatsaih turin zirlaite chu a fuih a. “Chu chu mi rothap nihna a ni. Midang puih kan chin than chuan kan thanhnan anga, chin thanah kan nei anga, mi ropuiah min siam dawn a ni,” a ti.
Zirlaite chu thian siam tura a chah rualin, thian kawm tur erawh fimkhur a ngai tih a sawi. A bikin mipa phei chu thiante azirin kan danglam thei hle, tiin, thian thlang fimkhur turin a chah.
“Kan ramah heti zozai mau kan nei a, engatinge ha kherna hi ramdang ami kan lakluh. Sawhthing heti zozai kan nei a, ginger paste hi engati nge state dang siam kan hman. Hna a awm lo kan ti a, workshop leh in satute-ah enga tinge hnamdang an tam em em si” tihte hi a dangteah Mizo thalaite inzawt thin ang u,” Dr Vanlalthlana hian a ti a. Zirlaite chu ram veina nen lehkha zir turin a chah.
St. Joseph HSS hian HSLC leh HSLC 2025 exam-a pass tharte a lawmpui rual hian, top 10 an neihte an chawimawi a. Kuminah HSLC leh HSSLC ah an school atangin exam hmachhawn 641 awmin 599 an pass a, HSLC bikah top 10-a tling 8 awmin, HSSLC-ah top 10-ah 11 an lang a ni.