Stadium chhunga fan thih vanga khelh zawh loh match

Pathianni La Liga inkhel pakhata Granada leh Athletic Bilbao game chu minute 17 an khel tling tihah Nuevo Los Carmenes stadium chhunga inkhel entu fan pakhat a thih thut avangin tihtawp a ni a, nizan khan an hmabak khel zo tura ruahmanna siam nghal a ni.
Granada khelmuala lungphu chawla thi ta hi Granada season ticket holder niin, nikhaw hre loa a tluk hnuah damdawi thiamte’n bawisawm zui nghal mah se a nunna an chhan zo lo a; inkhel tihtawp a nih lai hian Inaki Williams goal thun hmangin mikhual Bilbao lamin sikhat faiin hma an hruai.
La Liga thuchhuah chuan Thawh\anni zanah team pahnih hian minute 17 a\angin bul an \an dawn tih an tarlang a; ticket lei tawhte khan an en leh thei ang.