State hmasawnna tur sawikhawm

State hmasawnna tur sawikhawm
Planning & Programme Implementation department hnuaia State Institute for Transformation (SIT) Mizoram chuan NITI Aayog’s State Support Mission hmalakna pakhat atan “Transformed Mizoram Vision 2047 Roadmap Workshop” a buatsaih a. Chief minister Lalduhoma, DP&AR minister K Sapdanga leh minister dangte bakah chief secretary, head of department ho leh department hrang hranga senior officers, district bawrhsap leh sawmbik an tel.
India ramin kum 2047 a ral hmaa, ram changkang (developed country) zinga inhlankai ve tuma hmasawnna beihpui a thlakna, Viksit Bharat @2047 tinzawna Mizoram state-in “state’s long-term development” kawng a sial dan tur zirho leh sawiho a ni.
Chief minister chuan Mizoram hmalam hun sawiho tur an ni a, hma hun sawi dawn chuan hmathlir (vision) atanga tan a ngai, tiin, “Kan vision chuan a hawi lam (direction) min kawh hmuh anga, tih tur leh tih loh tur bakah kan resources neihchhun thiam taka hman dan tur min kawh hmuh ang,” a ti.
Khawvelah eng ram mah developed saa piang a awm loa, development chu tih palh thilthua lo awm pawh a ni loa, kum tam tak sawkar leh ram mipuiin hmathlir neia an lo thawhchhuah rah a ni zawk thin tih a sawia ni.
Workshop-ah hian hmasawnna thlentu banpui pawimawh pali – growth drivers, capital investment sector, social development enablers leh anchors of transformation tih chu common platform-ah hmangin presentation ngaihthlaka sawiho a ni.