Finance Minister Nirmala Sitharaman chuan States te chuan April thla tir lam atangin Budget 2023-24 a capital expenditure atanga interest-free loans a pek chhuah chu an lak theih tur thu sawiin financial year hman mek a kalpui aia chak daiha kalpui a ni ang, a ti bawk.
State-te hnena 50 year interest-free loan hi sorkar laipuiin kumina capex lama Rs 10 lakh crore a dah hmanna tur zinga lian ber pawla ngaih a ni a. Finance Minister chuan he scheme atan bik hian Rs 1 lakh crore dah a nih thu sawiin a chhan ber pawh State te chuan an ngaihven vang tiin a sawi.
-- Advertisement --
Parliament-a Economic Survey pharhah he scheme kaihhnawiha data hrang hrangte enfiahnaah funds te chu State te chuan an la tha mang lo zawk nia ngaih a ni a. Mahse, Sitharaman chuan heng fund te State tena an hman dan chu Survey-in a pholan ang em ema phur lo an nih loh thu a sawi thung.
“Kan kalpui dawnin kan tikhawtlaia a chhan chu State tena rawtna hran an neih vang a ni. Kuminah erawh a fund thil pahnih avangin tihpun a ni a. Pakhatna chu fund tam zawk peka scheme kalpui zel chu thil awm angah kan ngaih vang a ni a. Nikum khan State ten ngaihven tak tak lo se chuan kalpui chhunzawm zel a ni hauh lovang,” tiin Sitharaman chuan a sawi.
Sitharaman chuan Rs 1.3 lakh crore loan chu State te chuan project an duh khawih nan leh thawh nan an hman theih tur a ni tia sawiin heta tanga a then azar chu tehfung nei tur niin entirnan municipal bond issuance emaw State capital a Unity Malls building sak nan te anga hman tur ang a ni, a ti bawk.
“Kumin hian State sorkar tina Chief Secretaries te nen rang taka thil kalpui a nih theih nan inbiakna kan nei tawh a. Kumin April thla kan thlen meuh chuan State tam tak atangin nikum ang lo takin heng fund te hman duh an tam ngei ka ring,” tiin a sawi bawk.
“State te nen sawihona scheme chungchangah kan nei teuh tawh a, kumina a feature hrang hrang te leh kalpui dan tur te pawh kan sawiho tawh a. Ngaihdan inang lo leh inmillo te pawh siamrem a ni tawh” tiin minister chuan a sawi bawk a. Centre chuan capital expenditure tihchakna tur scheme te chu nasa leh chak zawka kalpui a nih theih nan a nawr reng tiin a sawi bawk.
State te hnena interest-free loan hi capital enxpenditure atan liau liaua hman tur niin kum 50 chhunga rulh zawh tur a ni thung a, Centre chuan kum 2020-21 a Covid-19 pandemic len laia ruahmanan a siam tawh niin a tirah chuan Rs 12,000 crore a dah phawt a, nakumah phei chuan Rs 15,000 crore-a tihsan a tum bawk.