Sub-Junior team hmachhawn tur Delhi

Bengaluru a khelh mek National Sub Junior championship-ah Mizoram Sub Junior team te chuan vawiin hnian an match hmasa ber an khel dawn a, Delhi nen an inhmachhawn dawn.
Mizoram Sub-Junior team te hi hun rei tak chhung Sairang MFA Ground-ah an training a, inbuatsaihna tha tak an nei. Karnataka pana an zin chhuah dawn hnaiah an player 10 ngawt TW3 (Bone) test-ah an tla. Player 10 kal ve thei ta lo te ai hi chawpchilh takin hnawhkhah rum rum an ni a, player thar 10 zinga pakhat chuan TW3 test a paltlang zo lo leh. Kum kal meka age level inelnaah Mizoram aiawhte an chetha lo via a, champion lai an nihna Sub Junior lamah pawh player 11 ngawtin TW3 test an paltlang zawh loh vangin beisei san a har leh viau. Mizoram aiawhte hian beisei ang result an nei lo a nih pawhin an harsatna tawh hriat thim pui an ngai awm e!