Sum hi mihring nunah a pawimawh a, mah se, dik leh zahawm taka lakluh tur a ni, tiin Mizoram University vice chancellor Prof. Dibakar Chandra Deka chuan a sawi.
St. Joseph Higher Secondary School chuan HSLC 2023 exam result-a an zirlai ti\hate chawimawina leh an school annual sports kharna chu Thawhlehni khan an hmang a. He hun hmanpuitu MZU vice chancellor chuan zirlaite chu eng eizawnna kawng pawh zawh se, sum lakluh kawngah rinawm tlat turin a chah. “Dik leh zahawm takin sum in la lut tur a ni a, suma duhamna hi drugs leh zu anga ngawlvei theih a ni. Sum hi chu nunah a pawimawh a, mahse, dik leh zahawm taka lakluh tur a ni. Ngawlveite chuan an ngawlveina piah lam bak an ngaihven tawh loh avangin fimkhur turin ka chah che u,” a ti. Khua leh tui \ha nih chu kan mawhphurhna a ni tih a sawi bawk.
Matric pass tharte chu fuihin, “Tun hi in kailawn bul\anna rahbi hmasa a ni a, nuna hlawhtling turin marathon intlansiakna in hmachhawn dawn. Tawite tlana chak theih a ni lo a, chawl loa thui tak tlan turin inpuahchah rawh u,” Prof. Deka hian a ti. Hlawhtling turin bul an \anna a ni a, pumpelh a awm lo tih hrilhin, “Thawhrimna, rinawmna leh dikna hi a kentel a ni a. In hlawhtlin pawhin eng hna thawktu pawh a hniam emaw a sang emaw pawh nise in zah tur a ni,” a ti.
Zirlaite chu an hriselna vawng \ha tura nun uluk a, school, nu leh pate leh mahni ram theihnghilh lo tur leh khawtlang zah kai nun nei tura inzir a, \hian sual laka inveng turin a fuih bawk.
St. Joseph HSS a\ang hian kumin HSLC exam-ah top 10-ah pasarih an lang a. An zirlai matric exam-te an pass vek bawk. Higher secondary lamah Arts, Science leh Commerce an nei a; vawiin – June 14 hian HSSLC result lawmna an nei leh dawn a ni.
Sum a pawimawh; mahse, dik leh zahawm taka lakluh tur – MZU VC
Get real time updates directly on you device, subscribe now.
Prev Post