Sum cheng vaibelchhe 900 chuang puk tawh

Kar hmasaa neih Assembly Session-ah khan Mizoram sorkar ding laiin cheng vaibelchhe 909.85 a puk tawh thu House-ah sawi a ni.
Lawngtlai West bialtu C Ngunlianchunga zawhna, ziaka chhan chi chhangin finance changtu Lalduhoma, chief minister-in sum puk zat hi a sawi a, “Tun sorkar thar hian pawisa eng zat nge a puk tawh?” tih chu, “Tun sorkar thar lak luh ni, December ni 8, 2023 a\anga tun thleng (June 2024)-a Mizoram sorkarin loan cheng 909.85 crore a puk tawh,” tiin a chhang.
OMB, NABARD, EAP, SASCI a\angtein sum hi puk a nih thu a sawi.
“Puk a nih chuan, eng atana hman nge a nih? A hmanna kimchang min hrilh thei em?” tih chu, “State sorkarin sum a puk hian state sorkar sum indaih lohna hrang hrang, revenue expenditure atan leh leiba rulh mek nante hman a ni,” tiin a chhang.
Saiha bialtu Dr K Beichhua zawhna chhangin chief minister hian Open Market Borrowing (OMB) a\angin kumin July thla thleng khan cheng vaibelchhe 361 puk a nih tawh thu a sawi a, a chhannaa a lan danin, May thlaah khan OMB-ah hian cheng vaibelchhe 200 puk niin, June-ah cheng vaibelchhe 71, July-ah cheng vaibelchhe 90 puk a ni.
NABARD a\angin May-ah cheng vaibelchhe 4.71 puk a nih thu te, June-ah cheng vaibelchhe 12.26 puk a nih thu te House a hrilh a, EAP-ah April-ah khan cheng vaibelchhe 1.73, May-ah cheng vaibelchhe 0.35, June-ah cheng vaibelchhe 0.82 puk a nih thu House a hrilh bawk.
Saiha bialtu Dr K Beichhua zawhna, Mizoram sorkarin leiba a neih zat pawh chief minister hian a sawi a, March ni 31, 2024-a Mizoram sorkar leiba chu cheng vaibelchhe 12709.29 a nih thu leh, hei hi Budget 2023-24 (RE) a\anga chhut a nih thu sawiin, tun dinhmuna leiba zat hi sawi mai theih a nih loh thu, financial year tawpah RE-ah a lan tur thu a sawi.