Sum leh therhlo kan hmang lo – ZPM

Sum leh therhlo kan hmang lo
– ZPM
ZPM Political Affairs Committee chuan Sinlung Hills Council inthlanah sum leh therhlo hmangin vote an zawng ve lo tih a sawi.
Zirtawpni khan ZPM office-ah PAC extended meeting neih a ni a. ZPM Gen. Hqrs office bearers, Political Affairs Committee leh general secretary-te telin, Sinlung Hills Council inthlan an thlirlet.
PAC extended eeeting chuan SHC inthlana theihtawp chhuaha ZPM Gen. Hqrs. inbuatsaihna, ZPM party leh HPC party thawhdunna lawmawm a ti a. Campaign Committee-in ruahmanna fel tak siama candidate tur mi tha tak tak chhawpchhuah a ni te, ministers, MP leh MLA bakah Block leh Unit thawhrimna, Council huamchhunga opposition MLA bial hnih awm chunga seat 4 an la chu thil lawmawm tak nia an hria thu a sawi a. Inthlan thianghlim neih a nih theihnana thawktute chungah lawmthu a sawi a ni.
‘ZPM party leh HPC party tangdunin sum leh therhlo hmanga vote a zawng ve lo hi lawmawm a tih bakah tun tum inthlan hi SHC huamchina kalphung thar mipui sawrkar din chhoh zelna tura hmasawnnaah a ngai a ni,’ a ti.