SUP hman leh hman loh endik

Sawilawk awm loin Nilaini khan Champhaia sumdawnna hmun lunlaiah sawrkarin a khap hman khat daih plastic/ polythene (Single Use Plastic – SUP) zawrh leh hman a awm em tih district bawrhsap James Lalrinchhana hoa endik a ni a, engemawzat man a ni.
Bawrhsap chuan SUP hmang lo tura inzirtirna kum khat dawn kalpui a ni tawh a. Environment tana nghawng tha lo tak nei a nih avangin a vaia tih rem vek har rih mah se, a tlem thei ang ber hman a nih theihna’n tanrual a pawimawh tih a sawi.
SUP endikna hi thla khata vawi 4 neih tum a ni a, endiktu team hian sawilawk awm loin an endik thin dawn a ni. Tun bikah hian Champhai Vengthlang huamchhung Awmpuiphei leh Dawr Veng bakah Venglai Bazar endik a ni a. Hman khat daih polythene leh plastic engemawzat manin, inhrilhhriat pah zel a ni.