Zirna chhunzawm dan tur dap

Manipur buaina avanga Mizorama sahimna zawnga tlanlut zinga zirlaite leh Mizoram mi Manipur-a zirna avanga awmten zirna an chhunzawm theih dan turah Thawhlehni khan Higher & Technical Education minister Dr R Lalthangliana a kaihhnawih sawrkar official-te, Mizoram University hotute leh tlawmngai pawlte an thukhawm.
Mizo Zirlai Pawl atangin zirlai raltlante chungchang report ngaihthlak a ni a, line hrang hrang zir zirlai 600 chuang an awm a ni. Heng zirlai harsatna tawkte hi a theih chin chinah Mizorama zirna an chhunzawm dan kawng dap pui nise, tih a ni a. Line hrang hranga zirlaiten an zirna an chhunzawm theihna’n a kaihhnawih thuneitute ah MZP-in lo thlenpui se, an ti.